 |
| بێوارحسێن |
دایك یان باب ، كیژ وان پشتى بهردانێ چاڤدێریا زارۆكان بكهت
نوكه ل دادگههێ بههرا پتر لدویڤ حهزا زاروكى دچن و كانێ دڤێت لگهل كێ بژیت لێ دگهل ههر لایهكێبژیت دبیت ئهڤ زاروكه هندهك مافان ژ دهست دهت ئان ئهو لایهن ل سهر زاروكى خوه فهرز بكهت .
ئهگهر زاروك ل گهل بابى بژیت دبیت ئهڤ بابه ژنهكێ ئینیت ئهڤ ژنه ژى دێ بیته ژن بابه بۆ ڤى زاروكى بیگومان ئهڤ زاروكه ژى دێ تووشى توندوتیژیێ بیت چونكى باب زۆر جارن دناڤ خێزانیدا كێم ژیت ههر د كارێن دهرڤه مژیله و ئهڤ ژنبابه ژى دێ لگهل وان خراب بیت لڤێره ئهڤ زاروكه دكهفنه سهر جاد و كولان و دێ تووشى خهلهتیان و دهست دانا وان ژ هندهكــ مافان ل وى دهمى دا و ژلایهكێ دیڤه ژى كۆ ههكه ئهڤ ژنبابه یا باش بیت ژى دبیت زاروك بهروڤاژى بیت چونكى دێ وهسا هزر كهت كۆ ئهڤێ ژنى جهێ دایكا وێ گرتى ههكه ئهڤ ژنه با به نه با دا دایكا من زڤریته ڤه و لێ بهردان دیارهیهكا كارتێكرن خو یا ئابوورى و جڤاكى و دهروونى ل سهر ههتا دگههیته بنهمال و زۆر جاران جیران ژى بى خهمبار دبن ب ڤێ ئاریشێ . بههرا پتریا جاران كۆ زاروك دگهل دایكێ بژیت كۆ ژن دناڤ كومهلگههێ مه دا داهاتهكێ باش نینن و ڤان زاروكان خودان بكهت لهوما قهستا كار و دهرڤهى كهت بۆ خودناكرنا زاروكان لێ ئهڤ زاروكه ژى دێ بههر بن و هێن پاشگوهاڤێتن لێ لایهنێ سوزداریێ ڤه دێ تێر و رهحهت بن بهس ئهڤ زاروكه پاشهرۆژێ خوه دا دێ ههر پێدڤى بابى بن چونكى باب بۆ زاروكى هێمایێ هێزیه و لێ ئهڤ زاروكه هات و دگهل زر بابى بژیت مهزنترین ئاریشه بۆ ڤى زاروكى ل وى دهمى لهوما پێدڤیه بهرى بهردانى ل سهر ڤى یهكى راوهستن چ دایك چ باب بیت بهردان دیارهكا نهشرینه دناڤ جڤاكى دا سهرههلدایێ.
ل دووڤ یاسا بارێ كهسایهتى ژماره 188 سالا 1959 ل مادا 57 ئاماژه ب وێ چهندێ هاتیه كرن كۆ دایك مافدار تره بۆ وهرگرتنا زاروكى و پهروهردهكرنا وى چ ل دهمێ پهیوهندى ههڤژینیێ ههبیت ئان ژى پشتى ژێك جودا بوونێ مادهم زاروك تووشى زیانێ نهبیت دڤێت دایك یا ب رهوشت بیت و شیانێن پهروهردهكرنا زاروكى ههبن و ئهڤ مافه بۆ دایكێ دێ مبینیت حۆ ئهگهر شى بكهته ڤه ژى هنگى داد گههــ دێ بریارێ دهت و دهمێ دایك ئهڤى مافهى ژ دهست بدهت دێ ئهڤ مافه بۆ بابى زاروكى چیت و هندهك جارا دادگههــ دێ كهسهكێ دیاركهت بۆ چاڤێ خۆ بدهته زاروكى دهمێ دایك و بابێت وى مهجێت پێدڤى ل دهڤ نهبن و ههروهسا دهمێ زاروك دبیته پازده سال دێ مافێ ههلبژاردتنێ ههبیت كۆ دشێت بۆ خو دایك ئان باب ئێك ژ وان ههلبژێریت .
